Бізнес-навіны

Кітай прадаставіць Беларусі тэхніка-эканамічную дапамогу ў памеры 300 млн юаняў на праекты развіцця

Фота Unsplash

20 верасня, Мінск /Кар. БЕЛТА/. Кітай прадаставіць Беларусі тэхніка-эканамічную дапамогу ў памеры 300 млн юаняў на праекты развіцця. Гэта прадугледжана пагадненнем паміж урадамі Беларусі і Кітая, якое афіцыйна апублікавана на Нацыянальным прававым інтэрнэт-партале, паведамляе БЕЛТА.

Згодна з дакументам, урад КНР прадаставіць тэхніка-эканамічную дапамогу ў памеры 300 млн юаняў для ўзгаднення і рэалізацыі праектаў "Укараненне інфармацыйна-камунікацыйных тэхналогій", "Будаўніцтва другога жылога арэнднага комплексу на тэрыторыі Кітайска-беларускага індустрыяльнага парка "Вялікі камень" і іншых праектаў у галіне развіцця і дапамогі.

ААТ "Ашчадны банк "Беларусбанк" і Дзяржаўны банк развіцця Кітая сумесна адкрыюць на імя іншага боку беспрацэнтныя і бескамісійныя рахункі ў кітайскіх юанях для тэхніка-эканамічнай дапамогі. Пры выкарыстанні тэхніка-эканамічнай дапамогі парадак вядзення рахункаў ажыццяўляецца ў адпаведнасці з патрабаваннямі Дзяржаўнага банка развіцця Кітая. Банкі будуць рэгулярна накіроўваць бакам інфармацыю аб выкарыстанні сродкаў названага рахунку.

версія для друку

зрабіць стартавай

дабавіць у выбранае