Бізнес-навіны

Крутой: Беларусь гатова рэалізоўваць у Новасібірскай вобласці значныя і ўзаемавыгадныя праекты

Дзмітрый Крутой. Фота з архiва

23 студзеня, Масква /Эдуард Півавар - БЕЛТА/. Беларусь гатова дзейнічаць шырокім фронтам, рэалізуючы ў Новасібірскай вобласці значныя і ўзаемавыгадныя праекты. Аб гэтым заявіў пасол Беларусі ў Расіі Дзмітрый Крутой сёння на сустрэчы з губернатарам Новасібірскай вобласці Андрэем Траўнікавым, паведамілі БЕЛТА ў прэс-службе беларускай дыпмісіі.

Дзмітрый Крутой адзначыў, што Беларусь і Новасібірская вобласць маюць трывалую аснову для развіцця гандлёва-эканамічнага, навукова-тэхнічнага і гуманітарнага супрацоўніцтва. Ключавыя напрамкі ўзаемадзеяння - пастаўкі беларускай сельскагаспадарчай, пасажырскай, грузавой, камунальнай і спецыяльнай тэхнікі, прадукцыі металургічнай галіны, сельскагаспадарчай прадукцыі і сыравіны.

Пасол таксама выступіў з ініцыятывай аб актуалізацыі і падпісанні на палях маючага адбыцца Х Форуму рэгіёнаў Беларусі і Расіі ва Уфе пагаднення паміж урадам Беларусі і адміністрацыяй Новасібірскай вобласці Расійскай Федэрацыі аб гандлёва-эканамічным, навукова-тэхнічным і культурным супрацоўніцтве.

Рабочая паездка Дзмітрыя Крутога ў Новасібірскую вобласць праходзіць 23-24 студзеня. Кіраўнік дыпмісіі ўжо наведаў Сібірскае аддзяленне Расійскай акадэміі навук і правёў сустрэчу з яго старшынёй Валянцінам Пармонам. У праграме візіту таксама сустрэчы з кіраўніцтвам вобласці і горада Новасібірска, наведванне прамысловых прадпрыемстваў рэгіёна, якія маюць для Беларусі інтарэс з пункту гледжання супрацоўніцтва і сумесных праектаў.

Беларускія прамысловыя прадпрыемствы і прадпрыемствы Новасібірскай вобласці звязаны праектамі прамысловай кааперацыі. У прыватнасці, ТАА "Сібэлектрапрывод" вырабляе для ААТ "БЕЛАЗ" - ККХ "БЕЛАЗ-ХОЛДЫНГ" электрарухавікі і генератары. ЗАТ "Экран-аптычныя сістэмы" пастаўляе холдынгу "БелОМА" кампаненты прыбораў начнога бачання, АТ "Новасібірскі стрэлачны завод" супрацоўнічае з БЧ у частцы паставак стрэлачных пераводаў. У рэгіёне таксама эксплуатуецца каля 170 адзінак кар'ернай тэхнікі БЕЛАЗ: асноўны спажывец АТ "Разрэз Калыванскі".-0-

версія для друку

зрабіць стартавай

дабавіць у выбранае