Бізнес-навіны

Кіраўнік Башкортастана: прадаўжаем развіваць супрацоўніцтва з Беларуссю, для нас гэта галоўны партнёр

8 лютага, Смалявіцкі раён /Кар. БЕЛТА/. Прадаўжаецца вялікая работа па развіцці супрацоўніцтва з Беларуссю, для нас гэта галоўны партнёр, сказаў кіраўнік Рэспублікі Башкортастан Радзій Хабіраў у час наведвання Кітайска-беларускага індустрыяльнага парка "Вялікі камень", перадае карэспандэнт БЕЛТА.

Паводле слоў Радзія Хабірава, прадаўжаецца вялікая работа па развіцці супрацоўніцтва з Беларуссю. "Для нас гэта галоўны партнёр. І мы цяпер перайшлі ў плоскасць глыбокай інтэграцыі нашых прадпрыемстваў і ўзаемных інвестыцый. Каб падтрымліваць высокі тэмп развіцця супрацоўніцтва, нам неабходна рэгулярна сустракацца, прадумваць, абмяркоўваць новыя праекты", - адзначыў ён. - Мы зноў прывезлі бізнес-місію, у яе складзе 54 кампаніі, якія хочуць знайсці новых партнёраў. Упэўнены, мы знойдзем агульныя інтарэсы. Заўтра пройдуць сустрэчы ў фармаце В2В, а таксама прэзентацыі нашых кампаній".

"Мы, з’яўляючыся чыноўнікамі, адкрываем вароты для нашага бізнесу. Гэта немагчыма без эфектыўных, пастаянна дзеючых кантактаў з кіраўніцтвам Беларусі. Заўтра ў нас адбудзецца сустрэча з прэм’ер-міністрам краіны. Мы абмяркуем нашу дарожную карту. Усё, аб чым мы дамаўляемся, укладваецца ў гэты дакумент - з адказнымі, з тэрмінамі выканання, кантролем і гэтак далей. Усё гэта паступальна рухаецца. І мы, напэўна, будзем ужо гатовы падпісаць тры вялікія пагадненні ў галіне машынабудавання. Гэта сумесны праект МАЗа і Уфімскага трамвайна-тралейбуснага завода па будаўніцтве завода па вытворчасці тралейбусаў. Таксама стварэнне завода па вытворчасці акумулятараў. Нам вельмі цікава гэта кампетэнцыя. І, вядома, той праект, які мы ўжо рухаем, - "АМКАДОР-Алга" - праект па выпуску цяжкай пагрузачнай і будаўнічай тэхнікі", - расказаў кіраўнік Башкортастана.

Радзій Хабіраў азнаёміўся з работай індустрыяльнага парка, наведаў вытворчую пляцоўку ЗАТ "Авіяцыйныя тэхналогіі і комплексы".

версія для друку

зрабіць стартавай

дабавіць у выбранае