Бізнес-навіны

Колькі мяса і малака спажывае адзін жыхар Беларусі ў год, расказалі ў НАН

Фота з архiва

20 лістапада, Мінск /Кар. БЕЛТА/. Колькі мяса, малака, агародніны і фруктаў спажывае адзін жыхар Беларусі ў год, расказала карэспандэнту БЕЛТА намеснік дырэктара па навуковай рабоце Інстытута сістэмных даследаванняў у АПК НАН Беларусі Святлана Кандраценка.

Яна адзначыла, што гарантаванае задавальненне патрэбнасці ўнутранага рынку знаходзіцца ў абсалютным прыярытэце айчынных таваравытворцаў. "У сярэднім на кожнага беларуса ў год спажываецца 98 кг мяса і мясапрадуктаў, 238 кг малака і малакапрадуктаў, 92 кг фруктаў, ягад і прадуктаў іх перапрацоўкі, 174 кг агародніны, бахчавых і прадуктаў іх перапрацоўкі, 161 кг бульбы і бульбапрадуктаў, 78 кг хлебапрадуктаў, каля 40 кг цукру, 18 кг алею, 265 штук яек. Каля 80 працэнтаў прадуктаў, якія набываюцца насельніцтвам, - менавіта айчыннай вытворчасці. Па шэрагу значных таварных катэгорый удзельная вага айчыннай прадукцыі ў рознічным тавараабароце дасягнула 100 працэнтаў (гэта малочныя прадукты, мяса мясныя прадукты, цукар)", - расказала намеснік дырэктара.

Па асобных катэгорыях долю рэалізацыі прадукцыі айчыннай вытворчасці ўдалося значна нарасціць. "Напрыклад, па свежых фруктах і арэхах - за тры гады паказчык павялічыўся на 3,2 працэнтнага пункта, у тым ліку па яблыках - 14,4 п.п., свежых таматах - 13,7 п.п., цукрыстых кандытарскіх вырабах - 6,3 п.п., мучных кандытарскіх вырабах - 4,0 п.п., макаронных вырабах - 5,4 п.п., па прадуктах дзіцячага харчавання - на 8,2 п.п. Гэта выдатны вынік. Павелічэнне продажаў айчыннай прадукцыі на ўнутраным рынку поўнасцю адпавядае інтарэсам беларускіх спажыўцоў і таваравытворцаў", - сказала Святлана Кандраценка.

версія для друку

зрабіць стартавай

дабавіць у выбранае