Бізнес-навіны

Казахстан: важна роля Беларусі як транзітнай краіны пры кантэйнерных перавозках па чыгунцы

26 кастрычніка, Мінск /Кар. БЕЛТА/. Казахстан бачыць важную ролю Беларусі як транзітнай дзяржавы ў плане кантэйнерных перавозак па чыгунцы, заявіў намеснік міністра замежных спраў Казахстана Раман Васіленка на міжнароднай канферэнцыі высокага ўзроўню "Еўразійская бяспека: рэальнасць і перспектывы ў трансфармуемым свеце", перадае карэспандэнт БЕЛТА.

Цяпер больш за 85 працэнтаў усіх наземных транзітных перавозак з Кітая ў Еўропу праходзіць праз Казахстан, адзначыў Раман Васіленка.

"Надаючы вялікае значэнне развіццю транзітна-транспартнай галіны, за апошнія 15 гадоў мы накіравалі на гэтыя мэты больш за $35 млрд. Ужо ажыццёўлены такія буйныя інфраструктурныя праекты, як транзітная магістраль Заходняя Еўропа - Заходні Кітай, марскія парты на Каспійскім моры Актау і Курык, сухі порт Харгос, казахстанска-кітайскі лагістычны цэнтр у Ляньюньгане, а таксама чыгуначны калідор з Кітая ў Іран", - расказаў прадстаўнік знешнепалітычнага ведамства.

"І тут, дарэчы, мы бачым таксама важную ролю Беларусі ў якасці транзітнай дзяржавы ў плане кантэйнерных перавозак па чыгунцы", - сказаў ён.

версія для друку

зрабіць стартавай

дабавіць у выбранае