Бізнес-навіны

Каранкевіч абмеркаваў з міністрам ЕЭК фарміраванне агульнага рынку газу ЕАЭС

4 сакавіка, Мінск /Кар. БЕЛТА/. Міністр энергетыкі Беларусі Віктар Каранкевіч правёў рабочую сустрэчу з членам калегіі (міністрам) па энергетыцы і інфраструктуры Еўразійскай эканамічнай камісіі Тэмірбекам Асанбекавым, паведамілі БЕЛТА ў прэс-службе Мінэнерга.

У перагаворах прынялі ўдзел намеснік міністра энергетыкі Дзяніс Мароз і дырэктар Дэпартамента энергетыкі ЕЭК Вадзім Закрэўскі.

Бакі абмеркавалі ключавыя пытанні фарміравання і функцыянавання агульнага рынку газу ЕАЭС, у тым ліку ход падрыхтоўкі праекта міжнароднага дагавора аб стварэнні аб'яднанага рынку.

Віктар Каранкевіч адзначыў канструктыўны характар перагаворнага працэсу. "Па некаторых пытаннях мы значна рушылі наперад, але ёсць моманты, якія патрабуюць далейшай прапрацоўкі для дасягнення ўзаемапрымальных рашэнняў", - сказаў ён.

Пасля завяршэння сустрэчы Віктар Каранкевіч і Тэмірбек Асанбекаў наведалі дыспетчарскі цэнтр аб'яднанай энергасістэмы, дзе кіраўнік Мінэнерга расказаў аб асноўных напрамках развіцця энергакомплексу краіны, удзяліўшы ўвагу праекту па будаўніцтве Беларускай атамнай электрастанцыі.

версія для друку

зрабіць стартавай

дабавіць у выбранае