Бізнес-навіны

"У сваім выступленні Анатоль Калінін адзначыў, што асноўным напрамкам работы дзяржаўных заказчыкаў у 2015 годзе павінна стаць далейшае павышэнне практычнай запатрабаванасці вынікаў навукова-тэхнічнай дзейнасці і іх прасоўванне на экспарт, фарміраванне новых дзяржаўных праграм на перыяд 2016-2020 гадоў, якія прадугледжваюць даследаванні і распрацоўкі ў сферы нацыянальнай бяспекі", - праінфармавалі ў прэс-службе.

На пасяджэнні падведзены вынікі выканання ў 2014 годзе 62 заданняў, стварэння 25 аб'ектаў новай тэхнікі, 7 новых і высокіх тэхналогій.

У прыватнасці, створаны сродкі пажарнай тэхнікі і спецыяльнага ахоўнага адзення, доследныя ўзоры пажарных аўтацыстэрнаў цяжкага класа з ёмістасцямі для вады 11 і 12 куб.м на базе шасі МАЗ 6317 з колавай формулай 6х6, выпушчаны аварыйна-выратавальны аўтамабіль на шасі МАЗ 4х4, тэрмаператваральнік для выпрабавання будаўнічых канструкцый.

Па выніках папярэдніх выпрабаванняў, эксперыментальны ўзор дальнабойнага пажарнага лафетнага ствала з вінтавой структурызацыяй патоку перасягае замежны аналаг (PROTEK) па далёкасці дзеяння пры падачы пены на тушэнне рэзервуараў на 10 м і таннейшы ў вартасным выражэнні ў 2 разы.

Завершаны ў поўным аб'ёме папярэднія лётныя выпрабаванні доследных узораў БАК відэаманіторынгу мясцовасці і аб'ектаў з далёкасцю прымянення ад 50 да 290 км.

На пасяджэнні таксама адзначалася, што распрацаваны праграмныя сродкі для мадэлявання прасторава-часавай карціны выбуховых працэсаў і ўздзеяння выбуху на інфраструктуру ў блізкай зоне.

Вынікам даследаванняў і распрацовак у сферы адукацыйных тэхналогій у галіне абароны ад надзвычайных сітуацый стала стварэнне ў Гомельскім раёне адукацыйнага цэнтра бяспекі, які арыентаваны на паляпшэнне якасці навучання дзяцей малодшага і сярэдняга школьнага ўзросту асновам бяспечных паводзін, парадку дзеянняў і спосабам абароны ў выпадку ўзнікнення надзвычайных сітуацый, прыёмам аказання першай медыцынскай дапамогі, правілам карыстання сродкамі абароны.

"Частка распрацовак мае добры экспартны патэнцыял. Так, Фізіка-тэхнічным інстытутам НАН Беларусі ажыццёўлены пастаўкі беларускіх беспілотных авіяцыйных комплексаў у Расійскую Федэрацыю, В'етнам, Туркменістан", - рэзюмавалі ў прэс-службе.