Бізнес-навіны

Каля 100 кітайскіх кампаній зарэгістраваны на пляцоўках Нацыянальнага цэнтра маркетынгу

Фота з архiва

12 чэрвеня, Мінск /Кар. БЕЛТА/. На пляцоўках Нацыянальнага цэнтра маркетынгу зарэгістраваны амаль 100 кітайскіх кампаній, паведамілі БЕЛТА ў НЦМ.

Намеснік дырэктара Нацыянальнага цэнтра маркетынгу Яўген Русак прыняў удзел у анлайн-сустрэчы беларускіх нацыянальных інстытутаў падтрымкі экспарту з кіраўніцтвам Камітэта садзейнічання міжнароднаму гандлю, Дэпартамента камерцыі і Канцылярыі знешніх сувязей правінцыі Хэбэй, арганізаванай пасольствам Беларусі ў КНР. Удзельнікі падкрэслілі важнасць развіцця міжрэгіянальнага ўзаемадзеяння і вызначылі перспектыўныя напрамкі супрацоўніцтва.

У час мерапрыемства Яўген Русак адзначыў, што для беларускіх экспарцёраў, зацікаўленых у рынку КНР, удзел у выставачных мерапрыемствах быў і застаецца эфектыўным метадам пашырэння прадукцыі. Для кітайскага бізнесу Нацыянальны цэнтр маркетынгу гатовы быць кропкай уваходу на беларускі рынак, а прамым экспартным каналам можа стаць удзел у закупках Беларусі.

Каля 100 кітайскіх кампаній ужо зарэгістраваны на пляцоўках НЦМ. Цэнтр аказвае дапамогу ў выдачы электроннага лічбавага подпісу і праводзіць неабходныя кансультацыі для карыстальнікаў з Кітая.

версія для друку

зрабіць стартавай

дабавіць у выбранае