Бізнес-навіны

Качанава: за 4 месяцы тавараабарот Беларусі і Расіі склаў каля $17 млрд

28 чэрвеня, Мінск /Кар. БЕЛТА/. За 4 месяцы тавараабарот Беларусі і Расіі склаў каля $17 млрд, заявіла старшыня Савета Рэспублікі Наталля Качанава ў час сустрэчы з кіраўнікамі органаў дзяржаўнай улады суб'ектаў Расійскай Федэрацыі і рэгіёнаў Рэспублікі Беларусь у час Х Форуму рэгіёнаў Беларусі і Расіі ва Уфе, перадае карэспандэнт БЕЛТА.

"Цяпер паміж абласцямі, раёнамі, гарадамі Рэспублікі Беларусь і суб'ектамі, муніцыпальнымі ўтварэннямі Расійскай Федэрацыі дзейнічае каля 450 дакументаў рознага ўзроўню. Больш як з 70 расійскімі рэгіёнамі заключаны міжурадавыя пагадненні. Вядома, аснова беларуска-расійскага супрацоўніцтва - гэта эканамічныя адносіны, - сказала Наталля Качанава. - Расія з'яўляецца галоўным гандлёвым партнёрам Беларусі. Яе доля ў геаграфічнай структуры знешняга гандлю нашай рэспублікі складае 55 працэнтаў. За 4 месяцы тавараабарот склаў каля $17 млрд. Думаю, што планка мінулага года будзе безумоўна перавышана. І ў многім гэтаму будзе садзейнічаць правядзенне форуму".

Устойлівыя міжрэгіянальныя кантакты дзвюх краін садзейнічаюць пашырэнню не толькі эканамічных сувязей, але і гуманітарных, падкрэсліла спікер. "На рэгіянальным узроўні мы можам назіраць лепшыя прыклады народнай дыпламатыі ў дзеянні. Цяпер пабрацімскія і партнёрскія сувязі ўстаноўлены паміж 52 беларускімі гарадамі і 117 расійскімі гарадамі, раёнамі буйных гарадоў. Вядома, гэта не мяжа. Важна, калі на сваім узроўні ўзаемадзейнічаюць кіраўнікі гарадоў, раёнаў. У ходзе нарады з эканамічным блокам Беларусі, урадам Прэзідэнт нашай краіны яшчэ раз звярнуў увагу на неабходнасць узаемадзеяння менавіта на гарызантальным узроўні. Так хутчэй можна ўбачыць, што яшчэ неабходна зрабіць для нашай інтэграцыі", - дадала старшыня Савета Рэспублікі.

Х Форум рэгіёнаў Беларусі і Расіі праходзіць 26-28 чэрвеня ва Уфе.

версія для друку

зрабіць стартавай

дабавіць у выбранае