Бізнес-навіны

Качанава: мы можам выкарыстоўваць нашы даброты, каб выйсці на перадавыя пазіцыі сусветнай эканомікі

1 ліпеня, Гродна /Кар. БЕЛТА/. Мы можам выкарыстоўваць нашы даброты, каб выйсці на самыя перадавыя пазіцыі сусветнай эканомікі, заявіла старшыня Савета Рэспублікі Наталля Качанава на пленарным пасяджэнні "Роля міжрэгіянальнага супрацоўніцтва ў паглыбленні інтэграцыйных працэсаў Саюзнай дзяржавы" IX Форуму рэгіёнаў Беларусі і Расіі, які праходзіць у Гродне, перадае карэспандэнт БЕЛТА.

"Сёння ключавым пытаннем для многіх вытворцаў з'яўляецца нават не столькі гарантаванае заключэнне кантракта, колькі своечасовае правядзенне разлікаў. Таму без укаранення дзейсных механізмаў кантролю паўнаты і своечасовасці разлікаў пры ўдзеле банкаў або дзяржаўных органаў кааперацыя наўрад ці стане шырока запатрабавана бізнесам. Выключна важна, каб заяўленае з высокіх трыбун аб роўных умовах для беларускіх і расійскіх суб'ектаў гаспадарання не разыходзілася з фактычным станам спраў. Паколькі людзі ацэньваюць дасягненні Саюзнай дзяржавы па крытэрыях ад жыцця. Напрыклад, па мытным надглядзе тавараў, падаткаабкладанні і бухгалтарскім уліку, падыходах да фарміравання сабекошту вырабленай прадукцыі, гарантыях і кампенсацыях пры службовых камандзіроўках, атэстацыйных патрабаваннях да персаналу, абсталявання, тэхналогій", - сказала Наталля Качанава.

Гаворачы аб эканамічных перспектывах, нельга не адзначыць самадастатковасць Беларусі і Расіі. "Мы маем энергетычную, абаронную, харчовую, навуковую бяспеку, гэта значыць такія даброты, аб якіх многія краіны могуць толькі марыць. Сумеснымі намаганнямі нам трэба ўбудоўвацца ў матрыцу рэгіянальных рынкаў Садружнасці Незалежных Дзяржаў, Еўразійскага эканамічнага саюза, Шанхайскай арганізацыі супрацоўніцтва, Асацыяцыі дзяржаў Паўднёва-Усходняй Азіі. Мы можам выкарыстоўваць нашы даброты, каб выйсці на самыя перадавыя пазіцыі сусветнай эканомікі", - падкрэсліла спікер.

версія для друку

зрабіць стартавай

дабавіць у выбранае