Бізнес-навіны

Качанава: беларуская прамысловасць здольна вырабляць унікальныя дэталі і камплектуючыя

Фота з архiва

27 снежня, Мінск /Кар. БЕЛТА/. Старшыня Савета Рэспублікі Наталля Качанава правяла нараду на пытаннях лакалізацыі вытворчасці камплектуючых для мота- і велатэхнікі ТАА "МотаВелаЗавод". Аб гэтым БЕЛТА паведамілі ў прэс-службе верхняй палаты парламента.

Разгледжаны розныя варыянты лакалізацыі вытворчасці камплектуючых у Беларусі на прыкладзе мадэлей матацыкла і веласіпеда. У нарадзе прынялі ўдзел члены ўрада, кіраўніцтва Мінска, кіраўнікі прамысловых прадпрыемстваў Беларусі.

"Беларусь захавала свой прамысловы патэнцыял. І сёння ў нас даволі шмат прадпрыемстваў дзяржаўнай і прыватнай формы ўласнасці, якія здольны вырабляць нават самыя ўнікальныя дэталі і камплектуючыя. Проста трэба паставіць перад імі задачу, дапамагчы недзе фінансава, у тым ліку за кошт сродкаў інавацыйных фондаў", - адзначыла Наталля Качанава.

Трэба развіваць кааперацыйныя ланцужкі паміж суб'ектамі гаспадарання, падкрэсліла спікер. "Ключавую ролю ў гэтым працэсе адыгрываюць галіновыя міністэрствы. Але і мясцовыя органы ўлады павінны падключацца, таму што губернатар добра ведае, якія вытворчасці ёсць у яго ў рэгіёне, якія праватныя кампаніі працуюць, - дадала старшыня Савета Рэспублікі. - Галіновыя і рэгіянальныя праграмы па імпартазамяшчэнні трэба фарміраваць з улікам таго, што заўтра можа і не быць нашых традыцыйных пастаўшчыкоў, якія сёння прапануюць свой тавар па прывабнай цане".

версія для друку

зрабіць стартавай

дабавіць у выбранае