Бізнес-навіны

"На жаль, апошнія пару гадоў у нас намецілася тэндэнцыя зніжэння тавараабароту ў выніку некаторых абставін. Але, тым не менш, дзякуючы прымаемым мерам, у тым ліку таму, што мы сустракаліся ў пачатку бягучага года і цяпер рыхтаваліся да візіту, пачынаем выраўноўваць наш узровень узаемнага тавараабароту. Ва ўсякім разе, беларускі бок крыху дабавіў у экспарце ў Татарстан. І гэта дзякуючы таму, што мы знаходзім тыя пункты, дзе можам вельмі актыўна папрацаваць на ўзаемавыгаднай аснове", - сказаў Андрэй Кабякоў.

Прэм'ер-міністр адзначыў, што Татарстан - адзін з надзейных партнёраў Беларусі сярод расійскіх рэгіёнаў. "Наша супрацоўніцтва вельмі шматкампанентнае, дыверсіфікаванае і заснаванае перш за ўсё на вытворчай кааперацыі, што нас вельмі сур'ёзна натхняе і сведчыць аб тым, што мы можам і далей знаходзіць усё больш агульных падыходаў для ўзаемадзеяння", - сказаў кіраўнік урада.

Андрэй Кабякоў канкрэтызаваў, што актыўна з прадпрыемствамі Татарстана ўзаемадзейнічае ААТ "Амкадор", прапрацоўваецца пытанне аб адкрыцці ў расійскім рэгіёне вытворчасці ААТ "Магілёўліфтмаш".

"Лічу, у татарскага боку ёсць адпаведныя прапановы наконт гэтага. Мы гатовы з усімі сваімі магчымасцямі прыйсці і працаваць у гэтым напрамку", - падкрэсліў ён.