Бізнес-навіны

Кабардзіна-Балкарыя выказала зацікаўленасць у дарожна-будаўнічай і камунальнай тэхніцы "АМКАДОР"

Фота ААТ "АМКАДОР"

8 лютага, Мінск /Кар. БЕЛТА/. Кабардзіна-Балкарыя выказала зацікаўленасць у дарожна-будаўнічай і камунальнай тэхніцы "АМКАДОР", паведамілі БЕЛТА ў прэс-службе прадпрыемства.

У ААТ "АМКАДОР" - кіруючая кампанія холдынга" прыбылі прадстаўнікі муніцыпальнай бюджэтнай установы "Гарзелянгас" Кабардзіна-Балкарскай Рэспублікі. Госці наведалі пастаянна дзеючую выстаўку машын, азнаёміліся з вырабляемай лінейкай прадукцыі, а таксама правялі перагаворы.

Прадстаўнікі дэлегацыі выказалі зацікаўленасць у дарожна-будаўнічай і камунальнай тэхніцы "АМКАДОР" для ўтрымання і рамонту аўтамабільных дарог і прыдваровых тэрыторый.

Цяпер рынак Расійскай Федэрацыі з’яўляецца адным з асноўных стратэгічных рынкаў холдынга, дзе паспяхова рэалізуюцца розныя праекты ў галіне машынабудавання.

"АМКАДОР" заснаваны ў 1927 годзе. У складзе холдынга - 30 юрыдычных асоб, 22 заводы, якія выпускаюць больш за 6,5 тыс. найменняў таварнай прадукцыі, у тым ліку 135 мадэлей і мадыфікацый спецыяльнай і сельскагаспадарчай тэхнікі. Усе прадпрыемствы холдынга інтэграваны ў адзіны тэхналагічны ланцужок. Кожны ўдзельнік спецыялізуецца на выпуску канкрэтных машын, вузлоў і агрэгатаў. У кампаніі пастаянна распрацоўваюць новыя мадэлі тэхнікі і ўдасканальваюць існуючыя.

версія для друку

зрабіць стартавай

дабавіць у выбранае