Бізнес-навіны

2 кастрычніка, Мінск /Кар. БЕЛТА/. Кітайская карпарацыя Huawei можа прыняць удзел у стварэнні інтэлектуальнай транспартнай сістэмы ў Беларусі. Аб гэтым ішла размова на сустрэчы намесніка прэм'ер-міністра Беларусі Анатоля Калініна з дырэктарам ТАА "Бел Хуавэй Тэхналоджыс" Пань Юнам, паведамілі БЕЛТА ў прэс-службе ўрада.

Бакі абмеркавалі актуальныя пытанні і перспектывы ўзаемадзеяння Беларусі з кітайскай карпарацыяй Huawei ў галіне лічбавай трансфармацыі рэальнага сектара эканомікі, стварэння інтэлектуальнай транспартнай сістэмы, а таксама рэалізацыі асобных праектаў сацыяльнай накіраванасці.

На сустрэчы было адзначана, што гэта кампанія працуе ў Беларусі 16 гадоў. За гэты час рэалізаваны шэраг адукацыйных праектаў, у тым ліку па стварэнні лабараторый ва ўстановах вышэйшай і сярэдняй адукацыі, арганізаваны навучальныя семінары ў цэнтры Huawei ў КНР.