Бізнес-навіны

Гурскі: экспарт навукова-тэхнічнай прадукцыі і распрацовак у мінулым годзе склаў амаль $56 млн

30 красавіка, Мінск /Кар. БЕЛТА/. Экспарт навукова-тэхнічнай прадукцыі і распрацовак у мінулым годзе склаў амаль $56 млн. Аб гэтым паведаміў галоўны вучоны сакратар Нацыянальнай акадэміі навук Беларусі Васіль Гурскі перад пачаткам сесіі Агульнага сходу НАН, перадае карэспандэнт БЕЛТА.

"Экспарт навукова-тэхнічнай прадукцыі і распрацовак у мінулым годзе склаў амаль $56 млн. Гэта не проста нейкія дагаворы і навуковыя даследаванні", - адзначыў Васіль Гурскі.

НАН Беларусі прадоўжыць работу па даручэннях кіраўніка дзяржавы, дадаў ён. "Цяпер найбольш важныя сферы - мікраэлектроніка, развіццё ўласнага праграмнага прадукту, IT. У нас вельмі добра працуе Аб'яднаны інстытут праблем інфарматыкі, які распрацоўвае прыкладное праграмнае забеспячэнне, у тым ліку і для медыцыны ў частцы аўтаматызаванага скрынінгу", - сказаў Васіль Гурскі.

У сесіі агульнага сходу НАН прымаюць удзел каля чатырохсот прадстаўнікоў акадэмічнай, вузаўскай і галіновай навукі, маладыя вучоныя краіны. На мерапрыемстве разгледзяць вынікі дзейнасці ў 2023 годзе, задачы развіцця НАН Беларусі і навуковай сферы Рэспублікі Беларусь на 2024 год.

У рамках работы сходу арганізавана выстаўка найноўшых дасягненняў арганізацый НАН Беларусі па прыярытэтных напрамках, на якой прадстаўлены інавацыйныя праекты і навуковыя распрацоўкі.

версія для друку

зрабіць стартавай

дабавіць у выбранае