Бізнес-навіны

Грызлоў: расійска-беларускія адносіны выйшлі на высокую планку на ўсіх узроўнях

15 красавіка, Мінск /Кар. БЕЛТА/. На ўсіх узроўнях расійска-беларускія адносіны выйшлі на высокую планку, заявіў Надзвычайны і Паўнамоцны Пасол Расіі ў Беларусі Барыс Грызлоў у час сустрэчы са старшынёй Палаты прадстаўнікоў Уладзімірам Андрэйчанкам, перадае карэспандэнт БЕЛТА.

"Неабходна адзначыць, што на ўсіх узроўнях расійска-беларускія адносіны выйшлі на вельмі высокую планку. Вы сказалі аб узаемных галасаваннях на ўсялякіх міжпарламенцкіх міжнародных форумах. І па лініі Арганізацыі Аб'яднаных Нацый, і многіх міжнародных арганізацый заўсёды прадстаўнікі Расіі і Беларусі галасуюць аднолькава. Тут нават не тое, што ў нас падобныя пазіцыі, у нас аднолькавыя пазіцыі. Хацеў бы адзначыць апошнім часам вельмі частыя сустрэчы кіраўнікоў нашых краін. Нядаўна Аляксандр Лукашэнка наведаў Далёкі Усход. І тое, што Прэзідэнт Беларусі быў на касмадроме Усходні і была размова наконт выкарыстання вопыту беларускіх будаўнікоў ва ўзвядзенні будынкаў і збудаванняў на касмадроме, - гэта вельмі важна", - сказаў Барыс Грызлоў.

Паводле яго слоў, прадстаўнікі расійскіх рэгіёнаў вельмі часта прыязджаюць у Беларусь. "Каб абмеркаваць пытанні ўзаемадзеяння ў галіне эканамічнай прамысловасці, у культурнай галіне, спартыўнай. За мае два месяцы работы тут ужо было пяць дэлегацый: Рэспубліка Тыва, Санкт-Пецярбург, Краснадарскі край, Пензенская вобласць. У канцы красавіка прыязджае дэлегацыя на чале з губернатарам Варонежскай вобласці. Гэтыя візіты не толькі для таго, каб, скажам, адзначыць добрыя адносіны. Гэтыя візіты для таго, каб павышаць тавараабарот, - адзначыў пасол. - У мінулым годзе тавараабарот Расіі і Беларусі дасягнуў $40 млрд. Ён нарошчваецца. Гэта важна, што ва ўмовах санкцыйнага націску, які аказвае на нас калектыўны Захад на чале з ЗША, мы знаходзім магчымасці імпартазамяшчэння, нашы прадпрыемствы выходзяць з прапановамі да беларускіх прадпрыемстваў. І беларускія прадпрыемствы даюць спісы тых вырабаў, якія хацелі б замясціць за кошт вытворчасці ў Расійскай Федэрацыі. Гэта вельмі важны напрамак, і ён прывядзе да таго, што мы на працягу бягучага і магчыма яшчэ палавіны наступнага года пазбавімся ад імпартных вырабаў у вытворчасці нашай прадукцыі".

Барыс Грызлоў канстатаваў: "Гэта толькі ўзмоцніць нас. Узмоцніць і Беларусь, і Расію".

версія для друку

зрабіць стартавай

дабавіць у выбранае