Бізнес-навіны

"Гомсельмаш" прадставіў навінкі тэхнікі на выстаўцы ў Татарстане

12 лютага, Мінск /Кар. БЕЛТА/. "Гомсельмаш" прадставіў навінкі тэхнікі на выстаўцы ў Татарстане, паведамілі БЕЛТА на прадпрыемстве.

Прадукцыя айчыннага вытворцы сельскагаспадарчай тэхнікі прадстаўлена на спецыялізаванай агратэхналагічнай выстаўцы "ТатАграЭкспа" ў Рэспубліцы Татарстан. Афіцыйны дылер холдынга "Гомсельмаш" у Татарстане кампанія "Татагралізінг" дэманструе гасцям выстаўкі новы збожжаўборачны камбайн GS12 PRO і ўніверсальны энергасродак УЭС-2-280А з касілкай-плюшчылкай ратацыйнай КПР-9.

"У новым камбайне GS12 PRO - кабіна, аснашчаная крэслам на пнеўматычнай падвесцы, новымі рулявой калонкай і рулявым колам, манаблочным пультам кіравання камбайнам, сучасным джойсцікам, каляровым экранам бартавога камп'ютара, электрагідраўлічным памочнікам уключэння перадач, аўдыясістэмай. Акрамя ўдасканаленай кабіны ў камплектацыю GS12 PRO таксама ўключаны шматфункцыянальны раз'ём падключэння адаптараў, святлодыёдныя лямпы асвятлення, каністра для мыцця рук ёмістасцю 10 л і інш.", - падкрэслілі на прадпрыемстве.

Як паведамляецца, прадстаўленую холдынгам "Гомсельмаш" агратэхніку асабіста ацаніў прэзідэнт Рэспублікі Татарстан Рустам Мініханаў.

Форум традыцыйна праходзіць на тэрыторыі міжнароднага выставачнага цэнтра "Казань Экспа". У двух выставачных павільёнах сваю прадукцыю прадстаўляюць звыш 200 кампаній з 30 рэгіёнаў і 50 гарадоў Расіі і прадстаўніцтваў вядучых замежных кампаній.

версія для друку

зрабіць стартавай

дабавіць у выбранае