Бізнес-навіны

Гандаль, інвестыцыі: Беларусь і Катар абмеркавалі шляхі развіцця двухбаковага супрацоўніцтва

Фота rossaprimavera.ru

3 кастрычніка, Мінск /Кар. БЕЛТА/. Часовы павераны ў справах Рэспублікі Беларусь у Дзяржаве Катар Аляксей Малафей 2 кастрычніка сустрэўся з міністрам гандлю і прамысловасці Катара і сустаршынёй беларуска-катарскага сумеснага камітэта па супрацоўніцтве Шэйхам Махамедам бен Хамадам бен Касімам аль-Абдалой аль-Тані. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У ходзе сустрэчы бакі абмеркавалі шляхі развіцця двухбаковага супрацоўніцтва ў гандлёва-эканамічнай, інвестыцыйнай і іншых сферах. Акрамя таго, размова ішла аб правядзенні чарговага пасяджэння сумеснага камітэта.

Дыпламатычныя адносіны паміж Рэспублікай Беларусь і Дзяржавай Катар устаноўлены 16 студзеня 1996 года. У 2001-2008 і 2010-2018 гады паслы Беларусі ў ААЭ былі акрэдытаваны ў Катары па сумяшчальніцтве. З чэрвеня 2014 года пачало работу пасольства Рэспублікі Беларусь у Дзяржаве Катар. З лістапада 2019 года функцыянуе катарскае пасольства ў Мінску на ўзроўні часовага паверанага ў справах Катара.-0-

версія для друку

зрабіць стартавай

дабавіць у выбранае