Бізнес-навіны

Галоўчанка: ураджай чакаецца вышэйшы за мінулага года, галоўнае - не страціць

5 ліпеня, Мінск /Кар. БЕЛТА/. Ураджай чакаецца вышэйшы за мінулага года, галоўнае - не страціць. Аб гэтым заявіў прэм'ер-міністр Раман Галоўчанка на селектары па АПК, перадае карэспандэнт БЕЛТА.

Кіраўнік дзяржавы паставіў задачу па забеспячэнні ў бягучым годзе прыросту сельскагаспадарчай вытворчасці на ўзроўні не меншым за 6-7 працэнтаў да мінулага года, нагадаў кіраўнік урада. "Для гэтага сельскагаспадарчым арганізацыям неабходна атрымаць збожжа ў бункернай вазе ў аб'ёме не меншым за 9,9 млн т, а рапсу - больш за 1 млн т. Трэба нарасціць вытворчасць цукровых буракоў да 5,2 млн т, бульбы - да 1,1 млн т, агародніны - да 600 тыс. т. Адпаведныя задачы абласцям даведзены", - адзначыў ён.

Будучы ўраджай у палях, сказаў прэм'ер, сфарміраваны нядрэнна. "Ён чакаецца вышэйшы за мінулага года, - падкрэсліў Раман Галоўчанка. - Важнейшая задача - не дапусціць яго страты. Гэта дасягаецца правядзеннем уборкі ў аптымальныя тэрміны з максімальнай арганізацыяй усіх існуючых людскіх, матэрыяльных і фінансавых рэсурсаў".

Прэм'ер-міністр падкрэсліў, што на ўзроўні ўрада прыняты папераджальныя, сістэмныя, фінансавыя і арганізацыйныя рашэнні па правядзенні палявых работ. "У сваю чаргу ад мясцовых органаў улады, ад кожнага кіраўніка патрабуецца эфектыўна задзейнічаць усе гэтыя рэсурсы і мабілізаваць асабовы склад для выканання непасрэднай задачы", - заявіў Раман Галоўчанка.

версія для друку

зрабіць стартавай

дабавіць у выбранае