Бізнес-навіны

Галоўчанка: стратэгічныя праекты павінны быць вынікам планамернай, мэтанакіраванай работы

Фота з архiва

23 кастрычніка, Мінск /Кар. БЕЛТА/. Стратэгічныя праекты павінны быць вынікам планамернай і мэтанакіраванай работы. Аб гэтым заявіў у эфіры тэлеканала "Беларусь 1" прэм'ер-міністр Раман Галоўчанка, каменціруючы вынікі нарады ў Прэзідэнта Беларусі Аляксандра Лукашэнкі па пытанні ўдасканалення сістэмы планавання і кантролю за рэалізацыяй стратэгічных праектаў, паведамляе БЕЛТА.

"Перад усімі краінамі стаіць важная задача - знайсці новыя крыніцы для росту, таму што развіццё за кошт толькі павышэння эфектыўнасці або мадэрнізацыі традыцыйных галін дастаткова абмежавана. Зразумела, рэальнага прарыву або такога якаснага скачка можна дасягнуць за кошт альбо стварэння прынцыпова новых вытворчасцей у традыцыйных сектарах, альбо за кошт новых навуковых знаходак, новых тэхналогій, якія з'яўляюцца прарыўнымі і перадавымі ў сусветным маштабе", - сказаў Раман Галоўчанка.

У Беларусі створана і дзейнічае дастаткова эфектыўная сістэма рэалізацыі інвестыцыйных праектаў, накіраваная на пашырэнне і мадэрнізацыю дзеючых вытворчасцей, а таксама стварэнне невялікіх праектаў у рэгіёнах - праграма "Адзін раён - адзін праект", якая ў цэлым паспяхова рухаецца, адзначыў прэм'ер-міністр. "Тут на гэтым контуры, на гэтым узроўні ўсё нармальна. Трэба, вядома, пэўны кантроль, і патрабаванне за тэрміны, якасць рэалізацыі. Але тут усё ў парадку, - падкрэсліў кіраўнік урада. - І асноўнае пытанне, якое Прэзідэнт ставіў, - як нам дабіцца таго, каб у краіне рэгулярна з'яўляліся маштабныя праекты тыпу БелАЭС, нацыянальнай біятэхналагічнай карпарацыі. І як зрабіць, каб гэты працэс быў натуральным, не нараджаўся ў пакутах, а быў вынікам планамернай, мэтанакіраванай работы. Вось такая жывая дыскусія адбылася, як мне здаецца, мы намацалі пэўныя крокі ў гэтым напрамку".

"Прэзідэнт даў даручэнне на працягу кастрычніка пакласці яму на стол схему, па якой мы будзем рухацца. У цэлым ішла размова аб тым, чым краіна будзе развівацца ў новай пяцігодцы, гэта значыць якія будуць створаны прынцыпова новыя вытворчасці. Напэўна, гэта галоўная задача, на якую нам у самы бліжэйшы час давядзецца даць адказ", - дапоўніў Раман Галоўчанка.

версія для друку

зрабіць стартавай

дабавіць у выбранае