Бізнес-навіны

Галоўчанка і Мамін абмеркавалі гандлёва-эканамічнае супрацоўніцтва Беларусі і Казахстана

19 лістапада, Ерэван /Кар. БЕЛТА/. Прэм'ер-міністр Беларусі Раман Галоўчанка правёў рабочую сустрэчу з прэм'ер-міністрам Казахстана Аскарам Маміным, перадае карэспандэнт БЕЛТА.

"Нашы адносіны развіваюцца даволі інтэнсіўна. Мы чакаем у 2022 годзе афіцыйны візіт Прэзідэнта Казахстана ў Беларусь, і думаю, што да гэтага часу будуць дасягнуты нядрэнныя вынікі, тым больш што тэндэнцыі ўзаемнага гандлю ў нас добрыя, тавараабарот павялічыўся, вырас як экспарт Беларусі ў Казахстан, так і экспарт Казахстана ў Беларусь. Гэта сведчыць аб тым, што знешні гандаль у нас збалансаваны", - сказаў Раман Галоўчанка.

Прэм'ер-міністр таксама закрануў тэму супрацоўніцтва дзвюх краін у сельскай гаспадарцы, абмеркаваў будаўніцтва малочнатаварных комплексаў, развіццё жывёлагадоўлі і прамысловай кааперацыі, а таксама ўзаемадзеянне ў машынабудаўнічай галіне.

Аскар Мамін у сваю чаргу адзначыў, што Беларусі і Казахстану неабходна вырашаць актуальныя пытанні. "Кіраўнікі нашых дзяржаў ставяць перад намі канкрэтныя задачы па ўсебаковым развіцці казахстанска-беларускіх адносін, пашырэнні гандлёва-эканамічнага, інавацыйнага і навуковага супрацоўніцтва. Мы рады магчымасці сёння сустрэцца ў двухбаковым фармаце і абмеркаваць усе гэтыя пытанні", - сказаў прэм'ер-міністр Казахстана.

версія для друку

зрабіць стартавай

дабавіць у выбранае