Бізнес-навіны
Эрдаган: Турцыя гатова павялічыць колькасць рэйсаў сваіх авіякампаній у Беларусь
11 лістапада, Мінск /Аліна Грышкевіч - БЕЛТА/. Турцыя гатова павялічыць колькасць рэйсаў сваіх авіякампаній у Беларусь. Аб гэтым заявіў Прэзідэнт Турцыі Рэджэп Таіп Эрдаган сёння на сустрэчы з кіраўніком беларускай дзяржавы Аляксандрам Лукашэнкам у пашыраным складзе, перадае карэспандэнт БЕЛТА.
Прэзідэнт Турцыі падкрэсліў, што ў час перагавораў у Мінску размова ішла аб актывізацыі супрацоўніцтва ў транспартнай сферы. У прыватнасці, турэцкі бок зацікаўлены нарасціць колькасць авіярэйсаў турэцкіх авіяліній, у тым ліку прыватных авіякампаній у Беларусь. На думку турэцкага лідара, гэта садзейнічала б нарошчванню і эканамічных кантактаў.
"Мы павінны зрабіць усё, каб умацаваць гандлёва-эканамічныя адносіны і ўстараніць прабелы ў нашых адносінах, укараніць новыя механізмы ўзаемадзеяння, накіраваныя на рэалізацыю гэтай мэты", - сказаў Рэджэп Таіп Эрдаган. Ён лічыць, што пасяджэнне змешанай гандлёва-эканамічнай камісіі будзе садзейнічаць гэтаму.
версія для друку
зрабіць стартавай
дабавіць у выбранае