Бізнес-навіны

Экспарт пральных машын з Беларусі вырас у 4 разы, легкавых аўто - амаль у 3 разы

Фота з архiва

22 лістапада, Мінск /Кар. БЕЛТА/. Экспарт пральных машын з Беларусі ў натуральным выражэнні вырас у 4 разы, легкавых аўтамабіляў - амаль у 3 разы. Аб гэтым паведаміў намеснік прэм'ер-міністра Пётр Пархомчык на сумесным пасяджэнні Палаты прадстаўнікоў і Савета Рэспублікі, перадае карэспандэнт БЕЛТА.

"Экспарт тавараў і паслуг за 9 месяцаў 2023 года склаў 104,8 працэнта да адпаведнага перыяду 2022 года, што апярэджвае ўстаноўлены мэтавы параметр на гэты перыяд - 103,8 працэнта. Сальда знешняга гандлю таварамі і паслугамі склалася дадатнае. Захоўваюцца высокія тэмпы росту экспарту тавараў - 107,8 працэнта. У натуральным выражэнні вырас экспарт пральных машын у 4 разы, легкавых аўтамабіляў - практычна ў 3 разы, тэлевізараў і манітораў - у 2,2 раза, нафтапрадуктаў - у 2 разы", - сказаў Пётр Пархомчык.

З 2020 года расце доля высокатэхналагічных тавараў у агульным аб'ёме экспарту. У студзені-верасні 2023 года яна дасягнула 4,4 працэнта. Гэта лепшы паказчык. У папярэднія гады яго значэнне не перасягала 3-3,5 працэнта", - дадаў віцэ-прэм'ер.

версія для друку

зрабіць стартавай

дабавіць у выбранае