Бізнес-навіны

Экспарт беларускіх тавараў у першым паўгоддзі вырас больш як на 4 працэнты

Фота з архiва

1 жніўня, Мінск /Кар. БЕЛТА/. Тэмп росту экспарту беларускіх тавараў у студзені-чэрвені 2024 года склаў 104,2 працэнта, а прырост да ўзроўню мінулага года - $0,8 млрд, паведамілі БЕЛТА ў прэс-службе Міністэрства эканомікі.

Асноўны драйвер росту - харчовыя тавары. Іх экспарт вырас на 13,2 працэнта, у тым ліку малака і малочных прадуктаў - на 15,5 працэнта, мяса - на 8,6 працэнта. Рост сфарміраваны за кошт нарошчвання фізічных аб'ёмаў паставак.

Продажы тавараў на знешнія рынкі ў чэрвені максімальныя за апошнія 7 месяцаў - $3,563 млрд. За чэрвень экспарт вырас на 7 працэнтаў да ўзроўню чэрвеня 2023 года і на 3,3 працэнта да мая 2024-га.

Апераджальны рост экспарту над імпартам прывёў да паляпшэння знешнегандлёвага сальда амаль на $100 млн.

версія для друку

зрабіць стартавай

дабавіць у выбранае