Бізнес-навіны

Экспарт беларускай сельгаспрадукцыі ў Егіпет у I паўгоддзі вырас у 2,4 раза

17 жніўня, Мінск /Кар. БЕЛТА/. Экспарт беларускіх харчовых тавараў і сельскагаспадарчай сыравіны ў Егіпет за студзень - чэрвень 2021 года склаў $770 тыс. і паказаў рост у 2,4 раза ў параўнанні з аналагічным перыядам 2020 года. Аб гэтым ішла размова ў час сустрэчы міністра сельскай гаспадаркі і харчавання Беларусі Івана Крупко з міністрам унутранага гандлю і забеспячэння Егіпта Алі аль Саедам Алі аль-Масельхі, паведамілі БЕЛТА ў прэс-службе Мінсельгасхарча.

На пасяджэнні былі актуалізаваны перспектыўныя напрамкі гандлёва-эканамічнага супрацоўніцтва і намечаны крокі для яго актывізацыі. "Егіпет з'яўляецца для Беларусі адным са стратэгічных партнёраў на Афрыканскім кантыненце. Супрацоўніцтва паміж нашымі краінамі ў сферы сельскай гаспадаркі дынамічна развіваецца", - адзначылі ў прэс-службе.

Беларусь зацікаўлена ў нарошчванні паставак прадуктаў харчавання, у першую чаргу малочнай прадукцыі: сметанковага масла, сыроў, сухога малака, - а таксама ў перспектыве мясной прадукцыі (ялавічыны, мяса птушкі), вырабленай у адпаведнасці з патрабаваннямі "Халяль".

версія для друку

зрабіць стартавай

дабавіць у выбранае