Бізнес-навіны

Эканамічны форум да 30-годдзя СНД пройдзе ў Маскве 11-12 сакавіка

Фота з архiва

3 сакавіка, Масква /Эдуард Півавар - БЕЛТА/. На 30-годдзе Садружнасці Незалежных Дзяржаў асацыяцыя "Дзелавы цэнтр эканамічнага развіцця СНД" пры падтрымцы Выканаўчага камітэта СНД 11-12 сакавіка правядзе ў Маскве Міжнародны эканамічны форум. Мерапрыемства пройдзе пад дэвізам "СНД- 30 гадоў" у двух фарматах: вочным і анлайн, паведамілі БЕЛТА ў аргкамітэце форуму.

У анлайн-фармаце плануецца правядзенне турыстычнага кангрэса-марафону "Стыхіі свету", круглага стала "Негатыўныя наступствы пандэміі каранавіруса COVID-19 на эканомікі дзяржаў - удзельніц СНД і шляхі іх сумеснага вырашэння", а таксама выставачнага маркетплейса, які будзе працаваць як каталог з відэатрансляцыяй і віртуальнай прысутнасцю экспанентаў.

Вочна і анлайн пройдуць сесія "Лічбавая трансфармацыя на службе фінансавай стабільнасці" і пленарнае пасяджэнне форуму. Пленарнае пасяджэнне намечана на 12 сакавіка ў маскоўскім Цэнтры міжнароднага гандлю, яно адбудзецца сумесна з чарговым пасяджэннем Эканамічнага савета СНД з удзелам віцэ-прэм'ераў, кіраўнікоў міністэрстваў эканамічнага развіцця, фінансаў, інтэграцыі, прамысловасці і гандлю краін Садружнасці, прадстаўнікоў экспертнай супольнасці, гандлёва-прамысловых палат, галіновых аб'яднанняў, банкаўскіх структур і бізнесу.

Пленарнае пасяджэнне традыцыйна правядзе старшыня Выканаўчага камітэта - выканаўчы сакратар СНД Сяргей Лебедзеў. Беларускую дэлегацыю ўзначаліць старшыня Эканамічнага савета СНД, віцэ-прэм'ер Ігар Петрышэнка.

версія для друку

зрабіць стартавай

дабавіць у выбранае