Бізнес-навіны

Эканамічны эфект ад удзелу прадпрыемстваў Беларусі ў біржавых таргах ацэньваецца ў памеры Br271 млн - БУТБ

Фота з архiва

11 жніўня, Мінск /Кар. БЕЛТА/. За студзень - ліпень 2021 года сума дадатковай выручкі і эканоміі беларускіх прадпрыемстваў, якія праводзілі здзелкі на Беларускай універсальнай таварнай біржы (БУТБ), перасягнула Br271 млн. Гэта на 69 працэнтаў больш за аналагічны паказчык мінулага года, паведамілі БЕЛТА ў прэс-службе біржы.

Як адзначылі ў прэс-службе, самы значны эканамічны эфект атрымалі кампаніі, якія куплялі на БУТБ металапрадукцыю і вугаль. За кошт зніжэння цэн падчас біржавых таргоў яны змаглі сэканоміць Br140,4 млн, або на 28 працэнтаў больш, чым у студзені - ліпені 2020 года.

Для прадпрыемстваў лясной прамысловасці выгада ад удзелу ў біржавых таргах склала Br121,2 млн. Прычым у параўнанні з мінулым годам гэты паказчык павялічыўся ў 2,6 раза. У гэту суму ўвайшла дадатковая выручка айчынных экспарцёраў піламатэрыялаў, шчэпак, слупоў і калоў, а таксама эканомія лясгасаў на закупцы паслуг у сферы лясной гаспадаркі.

Сельгаспрадпрыемствам выкарыстанне біржавой пляцоўкі прынесла Br9,5 млн дадатковай выручкі і эканоміі, або ў 2,5 раза больш, чым за студзень - ліпень 2020 года. Найбольшую карысць атрымалі пакупнікі шроту алейных культур і мясной сыравіны, а таксама прадаўцы малочнай прадукцыі, рапсавага алею і гарбарнага паўфабрыката.

"Паказчык дадатковай выручкі і эканоміі залежыць перш за ўсё ад аб'ёму біржавых здзелак, які па выніках 7 месяцаў вырас у вартасным выражэнні на 74 працэнты, да Br4,7 млрд. Пры гэтым практычна па ўсіх асноўных групах тавараў назіралася прыкметнае павышэнне ўзроўню канкурэнцыі ў ходзе таргоў. Гэтаму сярод іншага пасадзейнічаў рост колькасці замежных удзельнікаў. З пачатку года на біржу прыйшлі 347 новых кампаній-нерэзідэнтаў, сярод якіх былі пакупнікі піламатэрыялаў, рапсавага алею, малакапрадуктаў, цэменту і іншай арыентаванай на экспарт беларускай прадукцыі. У той жа час для зніжэння затрат айчынных прадпрыемстваў на закупку імпартнай сыравіны на біржавой пляцоўцы былі акрэдытаваны буйныя замежныя вытворцы металапракату, кармавых дабавак, сродкаў аховы раслін. Усё гэта ў комплексе забяспечыла істотны эканамічны эфект", - адзначылі ў прэс-службе БУТБ.

версія для друку

зрабіць стартавай

дабавіць у выбранае