Бізнес-навіны

1 верасня, Мінск /Кар. БЕЛТА/. Егіпецкі бізнес зацікаўлены выпускаць разам з вытворцамі Беларусі прычапную сельгастэхніку. Аб гэтым БЕЛТА паведамілі ў прэс-службе МЗС Беларусі.

Надзвычайны і Паўнамоцны Пасол Беларусі ў Егіпце Сяргей Рачкоў сустрэўся са старшынёй савета дырэктараў егіпецкай кампаніі Kader Factory for Developed Industries Абдэльсадэкам Ахмедам Абдэльрахімам. "Егіпецкі бізнесмен адзначыў зацікаўленасць сваёй кампаніі ў стварэнні з беларускімі вытворцамі сумеснай вытворчасці прычапной сельскагаспадарчай тэхнікі", - сказалі ў прэс-службе МЗС.

У час сустрэчы бакі разгледзелі таксама ход рэалізацыі сумесных праектаў па вытворчасці трактароў МТЗ і камунальнай аўтатэхнікі МАЗ.