Бізнес-навіны

Егіпет зацікаўлены ў пастаўках малочнай прадукцыі і алею з Беларусі

22 чэрвеня, Мінск /Кар. БЕЛТА/. Егіпет зацікаўлены ў пастаўках малочнай прадукцыі і алею з Беларусі, паведамілі БЕЛТА ў прэс-службе Нацыянальнага цэнтра маркетынгу.

НЦМ сумесна з пасольствам Беларусі ў Егіпце і Асацыяцыяй егіпецкіх бізнесменаў правялі відэаканферэнцыю, прысвечаную гандлю харчовай прадукцыяй з Егіптам. У мерапрыемстве прынялі ўдзел амаль сорак беларускіх і егіпецкіх экспарцёраў і імпарцёраў.

На семінары беларускія вытворцы малочнай прадукцыі і алею, у імпарце якіх зацікаўлены егіпецкі бок, прэзентавалі свае тавары. Акрамя таго, у якасці перспектыўных таварных пазіцый для экспарту ў Егіпет адзначаны мясная прадукцыя з сертыфікатам "Халяль", цукровыя буракі, алейнае семя (лён), кукуруза і іншыя. У сваю чаргу егіпецкія экспарцёры гатовы прапанаваць беларускаму рынку агародніну, фрукты і морапрадукты.

На відэаканферэнцыі дырэктар Нацыянальнага цэнтра маркетынгу Мікалай Барысевіч адзначыў, што гэта сустрэча з'яўляецца стартавым пунктам для наладжвання ўзаемавыгаднага супрацоўніцтва, надзейным правадніком якога гатовы выступіць цэнтр.

Запыты аб пастаўках канкрэтных відаў прадукцыі будуць апрацаваны НЦМ з мэтай аказання садзейнічання ва ўстанаўленні новых дзелавых кантактаў.

версія для друку

зрабіць стартавай

дабавіць у выбранае