Бізнес-навіны

Дзелавыя колы Турцыі зацікаўлены ў пошуку бізнес-партнёраў у Беларусі

Фота з архiва

18 студзеня, Мінск /Кар. БЕЛТА/. Дырэктар Нацыянальнага цэнтра маркетынгу Мікалай Барысевіч сустрэўся са старшынёй Савета па вытворчасці і гандлі Турцыі Азканам Пынарам, паведамілі БЕЛТА ў НЦМ.

Турэцкі бок адзначыў сваю зацікаўленасць у пошуку надзейных бізнес-партнёраў у Беларусі. У прыватнасці, кампанія Kantec, якая ўваходзіць у склад савета, займаецца аўтаматызацыяй вытворчасцей харчовай прамысловасці і гатова дзяліцца вопытам з беларускімі прадпрыемствамі.

Мікалай Барысевіч выказаў гатоўнасць НЦМ распрацаваць для турэцкіх дзелавых колаў індывідуальны алгарытм дзеянняў па вырашэнні канкрэтна пастаўленых задач і аказаць поўнае садзейнічанне ў ходзе яго рэалізацыі.

Бакі дамовіліся развіваць узаемадзеянне, у тым ліку ў рамках арганізацыі ўзаемных візітаў беларускіх і турэцкіх дэлегацый.

версія для друку

зрабіць стартавай

дабавіць у выбранае