Бізнес-навіны

Другі энергаблок БелАЭС выпрацаваў першы мільярд кілават-гадзін электраэнергіі

Фота з архiва

31 ліпеня, Мінск /Кар. БЕЛТА/. Другі энергаблок БелАЭС выпрацаваў першы мільярд кілават-гадзін электраэнергіі, паведамілі БЕЛТА ў прэс-службе Міністэрства энергетыкі.

Паведамляецца, што аб'ём выпрацоўкі электраэнергіі другім энергаблокам БелАЭС з моманту яго ўключэння ў аб'яднаную энергасістэму краіны склаў 1 млрд 63 млн кВт.гадз. "Гэта першы значны вытворчы вынік работы энергаблока, дасягнуты ў рамках этапу яго доследна-прамысловай эксплуатацыі", - адзначылі ў Мінэнерга.

Рэалізацыя этапнай праграмы прадаўжаецца. Паспяхова праведзены работы па асваенні магутнасці другога энергаблока на ўзроўнях 50 працэнтаў, 75 працэнтаў, 90 працэнтаў, 100 працэнтаў ад намінальнай. Выконваюцца выпрабаванні тэхналагічных сістэм і абсталявання. У бліжэйшы час яны будуць праводзіцца на розных рэжымах работы блока, уключаючы яго разгрузку з адключэннем ад сеткі для наступнай ацэнкі характарыстык абсталявання перад яго комплексным апрабаваннем на праектнай магутнасці.

З уводам другога энергаблока ў прамысловую эксплуатацыю атамная станцыя будзе генерыраваць каля 18,5 млрд кВт.гадз электраэнергіі ў год, што дасць магчымасць замяшчаць каля 4,5 млрд куб.м прыроднага газу.

версія для друку

зрабіць стартавай

дабавіць у выбранае