Бізнес-навіны
ДКНТ і эквадорскае прадпрыемства Yachay EP падпісалі мемарандум аб узаемаразуменні і супрацоўніцтве
9 верасня, Мінск /Кар. БЕЛТА/. Дзяржаўны камітэт па навуцы і тэхналогіях Беларусі і эквадорскае прадпрыемства Yachay EP падпісалі мемарандум аб узаемаразуменні і супрацоўніцтве, паведамілі БЕЛТА ў прэс-службе ДКНТ.
"Згодна з дакументам, супрацоўніцтва плануецца ажыццяўляць у навуковай, вытворчай, тэхнічнай і інавацыйнай сферах па шэрагу напрамкаў, сярод якіх энергетыка, інавацыйныя, камунікацыйныя і касмічныя тэхналогіі, новыя матэрыялы, біятэхналогіі і нанаіндустрыя. Акрамя таго, бакі абмяркоўвалі сумесную работу ў сферы медыцыны, фармацэўтыкі і медыцынскага абсталявання, тэхналогій у хіміі і нафтахіміі, сельскай гаспадаркі і будаўніцтва, рацыянальнага выкарыстання і глыбокай перапрацоўкі прыродных рэсурсаў", - растлумачылі ў прэс-службе.
Таксама, бакі плануюць выконваць сумесныя даследаванні і інавацыйныя праекты, праводзіць канферэнцыі і іншыя мерапрыемствы.
Мемарандум дзейнічае на працягу пяці гадоў і аўтаматычна прадаўжаецца на наступныя пяцігадовыя перыяды, калі яго дзеянне не будзе спынена. Подпісы пад дакументам паставілі старшыня ДКНТ Аляксандр Шумілін і Надзвычайны і Паўнамоцны Пасол Рэспублікі Эквадор у Беларусі Карлас Ларэа Давіла.
версія для друку
зрабіць стартавай
дабавіць у выбранае