Бізнес-навіны

"Да мільярда недалёка". Губернатар Ленінградскай вобласці аб перспектывах тавараабароту з Беларуссю

6 чэрвеня, Мінск /Кар. БЕЛТА/. Каб замахнуцца на залаты мільярд, ёсць усе ўмовы. Аб гэтым у эфіры тэлеканала АНТ заявіў губернатар Ленінградскай вобласці Расіі Аляксандр Драздзенка, паведамляе БЕЛТА.

"Усць-Луга - найбуйнейшы міжнародны порт. Мы бачым, што ў нас адбылося зніжэнне аб'ёмаў адгрузкі ў Еўропу, але павялічыліся аб'ёмы адгрузкі ў Азію і Паўднёвую Амерыку. Таму аб'ёмы пакуль засталіся ранейшымі. Больш таго, па першым квартале назіраўся невялікі рост", - сказаў Аляксандр Драздзенка.

Паводле яго слоў, цяпер актыўна адгружаюцца мінеральныя ўгнаенні. "Расія і Беларусь - асноўныя пастаўшчыкі мінеральных угнаенняў у свеце. Актыўна адгружаюцца нафтапрадукты, а не толькі сырая нафта, хімія", - адзначыў ён.

"Каб замахнуцца на залаты мільярд, ёсць усе ўмовы, і гэта не гучныя словы. Нягледзячы на тое, што была пандэмія, у мой першы візіт у Беларусь Аляксандр Лукашэнка паставіў задачу выйсці на лічбу тавараабароту $500 млн. Мы на яе выйшлі да пандэміі. У мінулым годзе мы выраслі, прычым выраслі на трэць у параўнанні з 2019 годам - $710 млн за пяць месяцаў мы выраслі яшчэ на 30 працэнтаў. Ёсць шанц выйсці на $900 млн у гэтым годзе, а да мільярда ўжо недалёка", - падкрэсліў Аляксандр Драздзенка.

Ён адзначыў, што разглядаецца пытанне аб паэтапным пераходзе разліку тавараабароту ў доларах. "Хутчэй за ўсё, з многімі краінамі-партнёрамі будзем пераходзіць на разлік у нашай нацыянальнай валюце або ў валюце той краіны, з кім выбудоўваем добрасуседскія гандлёва-эканамічныя адносіны", - сказаў ён на заканчэнне ён.

версія для друку

зрабіць стартавай

дабавіць у выбранае