Бізнес-навіны

Чарвякоў заявіў аб далейшым росце эканомікі ў бліжэйшыя месяцы

Фота з архiва

30 кастрычніка, Мінск /Кар. БЕЛТА/. Бліжэйшыя месяцы ў краіне будзе назірацца ўстойлівы рост эканомікі. Аб гэтым у эфіры тэлеканала "Беларусь 1" заявіў міністр эканомікі Аляксандр Чарвякоў, паведамляе БЕЛТА.

"Мы бачым, што па выніках дзевяці месяцаў эканоміка зрабіла даволі сур'ёзны зачын. Сфарміравана добрая база для таго, каб у астатнія месяцы выканаць задачу, якая пастаўлена ўказам Прэзідэнта, - выйсці на ВУП 103,8 працэнта. І па выніках дзесяці месяцаў мы бачым далейшы рост, як мінімум +0,1 працэнтнага пункта мы будзем прырастаць. Для гэтага ёсць усе падставы, ёсць тэндэнцыя па росце аб'ёмаў прамысловай вытворчасці, ёсць попыт на беларускую прадукцыю на знешніх рынках. Таму ўжо сёння намецілася ўстойлівая тэндэнцыя да зніжэння складскіх запасаў. А гэта якраз з'яўляецца асновай для папаўнення абаротнымі сродкамі, паляпшэння фінансавага становішча арганізацый. Таму ў бліжэйшыя месяцы мы будзем назіраць далейшы рост эканомікі", - расказаў ён.

Як адзначыў міністр, драйверам прадаўжае заставацца прамысловасць. "І яна будзе заставацца ім як у гэтым, так і наступным годзе. Мы ацэньваем, што сельская гаспадарка выйдзе на 100 працэнтаў да ўзроўню мінулага года. Актыўнасць будаўнічай галіны ў гэтым годзе найбольш відавочная, і гэта таксама дае свой плюс у агульную скарбонку росту ВУП", - дадаў Аляксандр Чарвякоў.

версія для друку

зрабіць стартавай

дабавіць у выбранае