Бізнес-навіны

БУТБ спросціць закупку тавараў-аналагаў для прадпрыемстваў АПК

Фото из архива

19 верасня, Мінск /Кар. БЕЛТА/. Беларуская ўніверсальная таварная біржа дапрацавала функцыянал біржавой гандлёвай сістэмы ў частцы размяшчэння заявак на куплю і продаж і іх адлюстравання ў час гандлёвых сесій. Змяненні дадуць магчымасць спрасціць працэдуру закупкі тавараў-аналагаў па такіх катэгорыях, як ветэрынарныя прэпараты, сродкі аховы раслін, угнаенні, насенне для сяўбы, кармы і кармавыя дабаўкі, паведамілі карэспандэнту БЕЛТА ў прэс-службе БУТБ.

На практыцы гэта азначае, што яшчэ на этапе падачы заяўкі пакупнікі змогуць паведаміць прадаўцам аб сваёй гатоўнасці разглядаць куплю не толькі тавару, пазначанага ў заяўцы, але і яго аналагаў. У выніку, з аднаго боку, павялічваецца пул патэнцыяльных пастаўшчыкоў, якія ўдзельнічаюць у біржавых таргах, а з іншага - пашыраецца наменклатура прадукцыі, даступнай для набыцця. Плануецца, што першыя таргі з прымяненнем абноўленага праграмнага забеспячэння адбудуцца ўжо ў пачатку кастрычніка.

"Мадэрнізацыя закранула праграмныя модулі, прызначаныя для рэалізацыі найбольш запатрабаваных груп тавараў, якія належаць да сегмента АПК. Перш за ўсё гэта сродкі аховы раслін, закупкі якіх па выніках 8 месяцаў гэтага года выраслі на 39 працэнтаў - да Br222 млн. Не менш высокім попытам карыстаюцца і ветэрынарныя прэпараты. Сума здзелак па гэтай таварнай катэгорыі павялічылася на 67 працэнтаў - да Br68 млн. Паколькі таргі праводзяцца на паніжэнне цаны, іх эфектыўнасць залежыць непасрэдна ад колькасці пастаўшчыкоў, якія прымаюць удзел у гандлёвай сесіі. Гэта значыць чым большы аб'ём прапанавання, тым больш выгадныя ўмовы куплі. З'яўленне ў заяўцы на куплю паметкі аб тым, што пакупнік зацікаўлены ў набыцці тавараў-аналагаў, аўтаматычна пашырае асартымент прадукцыі, якая можа быць выстаўлена на таргі пад гэту заяўку, а таксама прыцягвае дадатковых пастаўшчыкоў. Такім чынам, новаўвядзенне, з аднаго боку, спрашчае працэс закупкі, а з іншага - павышае ўзровень канкурэнцыі", - расказалі ў прэс-службе БУТБ.

версія для друку

зрабіць стартавай

дабавіць у выбранае