Бізнес-навіны

БУТБ і Расійскі экспартны цэнтр заключылі мемарандум аб супрацоўніцтве

Фота БУТБ

14 кастрычніка, Мінск /Кар. БЕЛТА/. У рамках міжнароднага экспартнага форуму "Зроблена ў Расіі" прайшла цырымонія падпісання мемарандума аб узаемаразуменні і супрацоўніцтве паміж Беларускай універсальнай таварнай біржай і АТ "Расійскі экспартны цэнтр", свае подпісы на дакуменце паставілі старшыня праўлення БУТБ Аляксандр Асмалоўскі і генеральны дырэктар РЭЦ Вераніка Нікішына, паведамілі БЕЛТА ў прэс-службе біржы.

"Біржа ўжо амаль два гады плённа супрацоўнічае з Расійскім экспартным цэнтрам па прыцягненні на біржавыя таргі суб'ектаў малога і сярэдняга прадпрымальніцтва з розных рэгіёнаў Расіі. Прычым гэта не проста інфармацыйная падтрымка, а рэальная дапамога ў арганізацыі дзелавых мерапрыемстваў, сустрэч і візітаў. Мы ў сваю чаргу спрашчаем выхад расійскага бізнесу на рынак Беларусі і прадастаўляем магчымасці для экспарту тавараў, што выпускаюцца ў Расіі, у трэція краіны. Упэўнены, што падпісаны мемарандум надасць дадатковы імпульс нашаму ўзаемадзеянню і дасць магчымасць больш эфектыўна вырашаць задачы, якія стаяць перад намі", - пракаменціраваў падпісанне Аляксандр Асмалоўскі.

Мемарандумам вызначаны асноўныя мэты, напрамкі і формы ўзаемадзеяння БУТБ і РЭЦ на бліжэйшую і доўгатэрміновую перспектывы. Бакі, у прыватнасці, плануюць садзейнічаць рэалізацыі экспартна арыентаваных праектаў, накіраваных на прасоўванне продажаў расійскай і беларускай прадукцыі за мяжу, а таксама прадастаўляць дапамогу ў пошуку замежных кампаній для арганізацыі паставак у Расію і Беларусь важных для ўнутранага рынку таварных пазіцый.

Акрамя таго, БУТБ і РЭЦ маюць намер абменьвацца маркетынгавай і нарматыўна-прававой інфармацыяй, якая датычыцца знешнегандлёвай дзейнасці, і дапамагаць адзін аднаму ў правядзенні дзелавых, выставачна-кірмашовых, адукацыйных і іншых мерапрыемстваў, якія садзейнічаюць развіццю беларуска-расійскіх гандлёва-эканамічных адносін і ўмацаванню станоўчага іміджу прадукцыі дзвюх краін.

Па стане на 1 кастрычніка, на БУТБ былі акрэдытаваны 4078 суб'ектаў гаспадарання з Расіі, у тым ліку шэсць біржавых брокераў. У параўнанні з мінулым годам колькасць расійскіх удзельнікаў біржавых таргоў павялічылася на 17 працэнтаў.

версія для друку

зрабіць стартавай

дабавіць у выбранае