Бізнес-навіны

Будаўніцтва МТК, пастаўкі сухога малака. Беларусь і Амурская вобласць будуць развіваць супрацоўніцтва ў АПК

Фота Мінсельгасхарча

16 кастрычніка, Мінск /Кар. БЕЛТА/. Пытанне праектавання і будаўніцтва беларускімі спецыялістамі на тэрыторыі Амурскай вобласці малочнатаварных комплексаў пад ключ, нарошчванне паставак у расійскі рэгіён сухога малака і іншых малочных прадуктаў абмяркоўваліся ў час рабочай анлайн-сустрэчы міністра сельскай гаспадаркі і харчавання Анатоля Ліневіча з намеснікам старшыні ўрада вобласці - міністрам сельскай гаспадаркі Амурскай вобласці Алегам Турковым, паведамілі БЕЛТА ў сельскагаспадарчым ведамстве.

Кіраўнікі дзелавых колаў і рабочыя групы спецыялістаў двух ведамстваў абмеркавалі пытанні ўзаемадзеяння ў сферы аграпрамысловых комплексаў дружалюбных краін.

"Беларусь выказвае зацікаўленасць у развіцці двухбаковага доўгатэрміновага супрацоўніцтва з Амурскай вобласцю, нягледзячы на значную адлегласць паміж намі - 6 тыс. км. Мы гатовы аказваць садзейнічанне ў вырашэнні любых лагістычных складанасцей, паколькі назіраем дадатную дынаміку тавараабароту паміж нашымі рэгіёнамі, - запэўніў Анатоль Ліневіч. - Толькі за студзень - жнівень 2024 года тэмп росту экспарту склаў 119,1 працэнта, істотна выраслі пастаўкі харчовых тавараў і сельскагаспадарчай сыравіны ў Амурскую вобласць. Якасная беларуская прадукцыя карыстаецца вялікім попытам у вашых спажыўцоў, а кваліфікаваныя спецыялісты запатрабаваны ў будаўніцтве і пастаўках абсталявання".

Амурская вобласць таксама праяўляе цікавасць да развіцця эканамічнага ўзаемадзеяння па мноству напрамкаў і выбудоўванні цесных кааперацыйных сувязей з Беларуссю. Так, на нарадзе разгледжана пытанне праектавання і будаўніцтва на тэрыторыі Амурскай вобласці малочнатаварных комплексаў пад ключ і камплектавання іх сучасным абсталяваннем.

Спецыялісты розных суб'ектаў гаспадарання таксама абмеркавалі пастаўкі ў нашу краіну з Амурскай вобласці соевых бабоў і прадукцыю іх перапрацоўкі, у тым ліку соевага шроту. Дадзены адпаведныя даручэнні па падліку эканамічнага складніка і лагістыкі. Важным вынікам сустрэчы стаў разгляд пытання нарошчвання паставак у Амурскую вобласць сухога малака і малочных прадуктаў, ветэрынарных прэпаратаў і кармоў для жывёл.

Як удакладнілі ў міністэрстве, беларускі бок валодае магчымасцямі праектавання і будаўніцтва сельскагаспадарчых аб'ектаў поўнага цыкла, мае істотны патэнцыял у вытворчасці і пастаўках прадукцыі, пацвярджае сваю гатоўнасць і адкрытасць да пашырэння супрацоўніцтва з Амурскай вобласцю па ўсіх напрамках, стварэння спрыяльнага эканамічнага клімату і ўзаемавыгадных таварных адносін.

версія для друку

зрабіць стартавай

дабавіць у выбранае