Бізнес-навіны

Будаўніцтва Беларускай АЭС падыходзіць да завяршэння - кіраўнік "Расатама"

16 верасня, Вена /Кар. БЕЛТА/. Будаўніцтва Беларускай АЭС падыходзіць да завяршэння, паведаміў сёння генеральны дырэктар дзяржкарпарацыі "Расатам" Аляксей Ліхачоў, выступаючы на 63-й сесіі Генеральнай канферэнцыі Міжнароднага агенцтва па атамнай энергіі (МАГАТЭ), паведамляе БЕЛТА.

"Падыходзіць да завяршэння будаўніцтва Беларускай АЭС. Прадаўжаем узвядзенне энергаблокаў у Індыі, Бангладэш, Турцыі і Кітаі, пачаты будаўніча-мантажныя работы на пляцоўках у Венгрыі, Фінляндыі і Егіпце, набірае абароты праект АЭС ва Узбекістане", - сказаў Аляксей Ліхачоў.

Паводле яго слоў, "Расатам" падтрымлівае ўдзел МАГАТЭ ў падрыхтоўцы кадраў для краін, якія прынялі рашэнне аб будаўніцтве ў сябе першай атамнай электрастанцыі.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020 годзе. Генеральны падрадчык будаўніцтва БелАЭС - інжынірынгавы дывізіён дзяржкарпарацыі "Расатам" (АСЭ).

версія для друку

зрабіць стартавай

дабавіць у выбранае