Бізнес-навіны

БЦК і Мурманскі марскі рыбны порт абмеркавалі супрацоўніцтва ў сферы паставак цэменту

Фота з архiва

29 лістапада, Мінск /Кар. БЕЛТА/. Беларуская цэментная кампанія і Мурманскі марскі рыбны порт абмеркавалі супрацоўніцтва ў сферы паставак цэменту, паведамілі БЕЛТА ў прэс-службе прадпрыемства.

Холдынг "БЦК" пашырае геаграфію супрацоўніцтва з расійскімі рэгіёнамі. Так, адбыліся перагаворы вядучых спецыялістаў Кіруючай кампаніі па рабоце з кліентамі Вячаслава Пашкова (Цэнтральная федэральная акруга РФ) і Наталлі Календы (Паўночна-Заходняя федэральная акруга РФ) з кіраўніцтвам Мурманскага марскога рыбнага порта, аднаго з профільных прадпрыемстваў Паўночна-Заходняй акругі Расійскай Федэрацыі.

Беларуская цэментная кампанія нацэлена на арганізацыю паставак па новых напрамках, а АТ "ММРП" - на папаўненне базы сваіх кліентаў і партнёраў. Як падкрэсліў выканаўчы дырэктар Мурманскага марскога рыбнага порта Данііл Паляшчук, супрацоўніцтва з Беларуссю мае не проста важнае, а стратэгічнае значэнне. "Пабудова новых лагістычных маршрутаў адкрывае зусім нечаканыя да нядаўняга часу магчымасці развіцця. Мы гатовы працаваць з генеральнымі грузамі", - адзначыў ён.

Прадстаўнікі БЦК абмеркавалі з расійскімі партнёрамі пытанні пастаўкі, перавалкі цэменту, апрацоўкі і захоўвання ўсяго асартыменту прадукцыі, якая выпускаецца Беларускай цэментнай кампаніяй.

версія для друку

зрабіць стартавай

дабавіць у выбранае