Бізнес-навіны

Бранцэвіч: будучыня прадпрыемстваў - за лічбавізацыяй вытворчых працэсаў

ААТ "Камінтэрн". Фота з архіва

28 красавіка, Мінск /Кар. БЕЛТА/. Будучыня прадпрыемстваў - за лічбавізацыяй вытворчых працэсаў. Такое меркаванне выказала намеснік міністра эканомікі Таццяна Бранцэвіч падчас рабочай паездкі ў Гомель, паведамілі БЕЛТА ў прэс-службе Мінэканомікі.

Таццяна Бранцэвіч наведала шэраг прадпрыемстваў - ААТ "8 Сакавіка", ААТ "Камінтэрн" і ААТ "Гомельскі тлушчавы камбінат". Падчас сустрэчы з кіраўніцтвам і актывам яна абмеркавала праблемныя пытанні і перспектывы развіцця.

"Паспяховая работа любой арганізацыі ў першую чаргу залежыць ад эфектыўнага менеджменту. Аздаравіць фінансавы стан прадпрыемстваў, такіх як тлушчавы камбінат, могуць своечасовыя кіраўніцкія рашэнні. Неабходна планамерна працаваць з запасамі вырабленай прадукцыі, шукаць шляхі зніжэння выдаткаў, пазбаўляючыся ад неліквіднай маёмасці, плённа ўзаемадзейнічаць з айчыннымі пастаўшчыкамі сыравіны і многае іншае. Усё гэта дасць магчымасць знізіць даўгавую нагрузку, папоўніць абаротныя сродкі, выйсці на знешнія рынкі з прадукцыяй глыбокай ступені перапрацоўкі. Вядома, у кампетэнцыі менеджменту распрацоўка такога бізнес-плана, які зацікавіў бы патэнцыяльнага інвестара, чый прыход мог бы ўдыхнуць у прадпрыемства новае жыццё. Такое рашэнне, у прыватнасці, прапрацоўваецца для ААТ "8 Сакавіка" з удзелам канцэрна "Беллегпрам", - адзначыла намеснік міністра.

На думку Таццяны Бранцэвіч, перспектывы далейшага развіцця павінны дакладна бачыць і стабільна працуючыя прадпрыемствы. "Варта актыўна працаваць на знешніх рынках, прыцягваць інвестараў з развітымі тэхналогіямі і тавараправоднымі сеткамі. І, зразумела, не забываць аб лічбавізацыі вытворчых працэсаў. За такой індустрыяй - будучыня", - падкрэсліла яна.

Таксама падчас рабочай паездкі намеснік міністра прыняла ўдзел у пасяджэнні Гомельскага аблвыканкама, прысвечанага вынікам сацыяльна-эканамічнага развіцця вобласці ў першым квартале.

версія для друку

зрабіць стартавай

дабавіць у выбранае