Бізнес-навіны

"Адна з асаблівасцей цяперашняй выстаўкі - удзел у ёй 507 кампаній з 25 краін свету. Таксама 21 афіцыйная замежная дэлегацыя будзе прымаць удзел у выставачных мерапрыемствах", - адзначыў Леанід Марыніч.

Выстаўка "Белагра-2017" пройдзе 6-10 чэрвеня ў гандлёва-лагістычным цэнтры "Глобус" у аграгарадку Шчомысліца ў Мінскім раёне. "Пляцоўка вельмі зручная. Упершыню выстаўка будзе праводзіцца на адзінай тэрыторыі. Крытыя памяшканні размесцяцца на тэрыторыі 8 тыс. кв.м, адкрытыя - на 42 тыс. кв.м без уліку гандлёвых аб'ектаў", - расказаў Леанід Марыніч.

Ён падкрэсліў, што традыцыяй становіцца прысутнасць удзельнікаў, якія не належаць непасрэдна да Міністэрства сельскай гаспадаркі і харчавання. Так, у гэтым годзе будуць выстаўляцца канцэрны "Беллегпрам", "Белнафтахім", Міністэрства архітэктуры і будаўніцтва і іншыя. "Гэта радуе, таму што выстаўка нават унутры краіны карыстаецца вялікай папулярнасцю", - сказаў першы намеснік міністра.

Леанід Марыніч адзначыў, што ў час выстаўкі будуць праводзіцца тэматычныя семінары-заняткі: "Усяго іх будзе больш за 20. У асноўным яны запланаваны на 7-8 чэрвеня. Семінары будуць карысныя ў частцы набыцця ведаў, будзе магчымасць падзяліцца вопытам, новымі тэхналогіямі", - паведаміў ён.