Бізнес-навіны

Больш за 10 кантрактаў падпісалі беларускія прадпрыемствы на выстаўцы "Газ. Нафта. Тэхналогіі" ва Уфе

1 чэрвеня, Мінск /Кар. БЕЛТА/. Выстаўка "Газ. Нафта. Тэхналогіі", якая прайшла 25-28 мая ва Уфе, стала паспяховай для беларускіх вытворцаў: у дні яе работы падпісана больш за дзесяць кантрактаў з буйнымі расійскімі партнёрамі. Аб гэтым паведамляе БЕЛТА са спасылкай на сайт выставачнага прадпрыемства "Белінтэрэкспа" Беларускай гандлёва-прамысловай палаты.

У прыватнасці, пагадненне аб намерах на пастаўку асноўных відаў сыравіны для вытворчасці шын, дагавор на дастаўку гатовай прадукцыі падпісалі ААТ "Белшына" і кампанія "Стэрлітамак". ААТ "Сейсматэхніка" і вядучая кампанія расійскага геафізічнага сэрвісу "Башнафтагеафізіка" заключылі мемарандум аб супрацоўніцтве на наступны год. Распрацоўкі ААТ "СветлагорскХімвалакно" зацікавілі расійскіх вытворцаў - бакі падпісалі два кантракты на пастаўку беларускай прадукцыі.

Не засталася без увагі новая распрацоўка ААТ "Магілёўхімвалакно": вытворца заключыў пагадненне аб намерах з найбуйнейшым у Расіі вытворцам і пастаўшчыком вырабаў на аснове шкловалакна. Для БМЗ дэбют на выстаўцы "Газ. Нафта. Тэхналогіі" таксама стаў паспяховым: падпісана сем пагадненняў аб супрацоўніцтве на 2021-2022 гады.

У выставачнай кампаніі нагадалі, што навінкі і перадавыя распрацоўкі айчынных вытворцаў былі прадстаўлены ў рамках экспазіцыі Made in Belarus. Удзельнікамі выстаўкі сталі канцэрн "Белнафтахім" і яго падведамныя прадпрыемствы. Арганізатарам экспазіцыі Made in Belarus з'яўляецца выставачнае ўнітарнае прадпрыемства "Белінтэрэкспа" Беларускай гандлёва-прамысловай палаты.

версія для друку

зрабіць стартавай

дабавіць у выбранае