Бізнес-навіны

"Больш як 30 інвестараў выказалі вялікую зацікаўленасць у рэалізацыі свайго праекта на тэрыторыі парка. Яны ўжо заключылі з намі пагадненні аб намерах", - адзначыў Лі Хайсінь. Паводле яго слоў, гэтыя кампаніі будуць станавіцца рэзідэнтамі парка ў адпаведнасці са складзеным графікам. Лі Хайсінь падкрэсліў, што будаўніцтва Кітайска-беларускага індустрыяльнага парка "Вялікі камень" з'яўляецца фундаментам для ўмацавання адносін паміж Беларуссю і Кітаем.

У Кітайска-беларускім індустрыяльным парку "Вялікі камень" ужо зарэгістравана 7 рэзідэнтаў - кампаніі з Кітая, Беларусі і Расіі. Цяпер ідзе асваенне тэрыторыі плошчай 350 га. У праект інвесціравана амаль $90 млн, на наступны год запланавана ўкласці каля $120 млн.