Бізнес-навіны

БКК падпісала кантракт на пастаўку калію ў Індыю па $230 за тону

Фота БКК

18 мая, Мінск /Кар. БЕЛТА/. ААТ "Беларуская калійная кампанія" і буйнейшы індыйскі імпарцёр калію IPL падпісалі кантракт аб пастаўцы калійных угнаенняў у Індыю, паведамілі БЕЛТА ў прэс-службе БКК.

"Беларуская калійная кампанія і буйнейшы індыйскі імпарцёр калію кампанія IPL падпісалі кантракт аб пастаўцы калійных угнаенняў у Індыю да канца 2020 года па цане $230 за тону на ўмовах CFR", - паведамілі ў прэс-службе.

30 красавіка БКК паведаміла аб дасягненні пагаднення з кансорцыумам кітайскіх пакупнікоў (Sinochem, CNAMPGC, CNOOC) аб новай цане кітайскага кантракта. Ён заключаны па цане $220 з пастаўкамі ў 2020 годзе.

ААТ "Беларуская калійная кампанія" была заснавана ў 2013 годзе, з'яўляецца эксклюзіўным экспарцёрам калійных угнаенняў вытворчасці ААТ "Беларуськалій" і на працягу апошніх гадоў захоўвае лідарства ў сусветным экспарце калійных угнаенняў. За амаль 7 гадоў сваёй дзейнасці БКК паставіла беларускі калій у 133 краіны.

версія для друку

зрабіць стартавай

дабавіць у выбранае