Бізнес-навіны

"Белнафтахім" чакае ў бліжэйшы час танкер з 85 тыс. т нафты з Азербайджана

Аляксандр Цішчанка. Фота з архіва

7 красавіка, Мінск /Кар. БЕЛТА/. Канцэрн "Белнафтахім" чакае ў красавіку чарговую партыю нафты Azeri Light ад дзяржаўнай нафтавай кампаніі Азербайджана Socar. Аб гэтым паведаміў карэспандэнту БЕЛТА прэс-сакратар "Белнафтахіма" Аляксандр Цішчанка.

"У нас запланавана пастаўка азербайджанскай нафты - 85 тыс. т. Чакаем у бліжэйшы час", - паведаміў Аляксандр Цішчанка.

"Танкерныя пастаўкі будуць прадаўжацца як па поўдні, так і па поўначы", - дадаў прэс-сакратар.

Паводле інфармацыі агенцтва Trend, танкер з азербайджанскай нафтай для Беларусі павінен выйсці 8 красавіка з грузінскага порта Супса пры ўмове стабілізацыі ўмоў надвор'я.

Як паведамлялася, у сакавіку кампанія Socar адправіла ў Беларусь тры танкеры нафты, гэта каля 250 тыс. т нафты. Яна была дастаўлена ў порт Адэсы і потым прапампавана трубаправодным транспартам на Мазырскі НПЗ.

Старшыня канцэрна "Белнафтахім" Андрэй Рыбакоў паведамляў, што Socar у 2020 годзе можа паставіць у Беларусь да 1 млн т нафты.

версія для друку

зрабіць стартавай

дабавіць у выбранае