Бізнес-навіны

БелГПП і індыйская MIICCIA будуць садзейнічаць гандлёва-эканамічнаму супрацоўніцтву паміж краінамі

16 верасня, Мінск /Кар. БЕЛТА/. Беларуская гандлёва-прамысловая палата (БелГПП) і Індыйская міжнародная гандлёвая, прамысловая і сельскагаспадарчая палата (MIICCIA) падпісалі мемарандум аб узаемаразуменні, паведамілі БЕЛТА ў БелГПП.

Бакі дамовіліся аказваць садзейнічанне развіццю гандлю і эканамічнага супрацоўніцтва паміж прадпрыемствамі Беларусі і Індыі, развіваць узаемадзеянне ў галіне арганізацыі дзелавых і выставачна-кірмашовых мерапрыемстваў з удзелам бізнесу дзвюх краін, абмену візітамі дэлегацый дзелавых колаў. Таксама падпісанне дакумента прадугледжвае рэгулярны абмен інфармацыяй па пытаннях гандлю таварамі, рыначнай кан'юнктуры, вядзення бізнесу ў Беларусі і Індыі.

Індыйская міжнародная гандлёвая, прамысловая і сельскагаспадарчая палата - недзяржаўная, некамерцыйная арганізацыя, мэтай якой з'яўляецца падтрыманне інтарэсаў індыйскага бізнесу і садзейнічанне развіццю прадпрымальніцтва. Дзякуючы шырокім кантактам з гандлёва-прамысловымі палатамі штатаў Індыі, а таксама партнёрскімі палатамі ў розных краінах, MIICCIA садзейнічае вырашэнню задач, якія стаяць перад бізнесам, і развіццю кантактаў у сферах гандлю, прамысловасці, сельскай гаспадаркі.

версія для друку

зрабіць стартавай

дабавіць у выбранае