Бізнес-навіны

БЕЛАЗ паставіць 220-тонныя самазвалы ў Мурманскую вобласць

Фота з архiва

20 студзеня, Мінск /Кар. БЕЛТА/. Дзесяць 220-тонных БЕЛАЗаў у бліжэйшы час паступяць на Каўдорскі ГАК, паведамілі БЕЛТА на Беларускім аўтазаводзе.

Першыя чатыры самазвалы ўжо прыбылі на камбінат і знаходзяцца ў стадыі паэтапнай зборкі і перадпускавых выпрабаванняў. Да канца студзеня ўсе яны будуць запушчаны ў эксплуатацыю, а на працягу першага паўгоддзя будуць сабраны і выпушчаны на лінію яшчэ шэсць машын.

Паводле інвестыцыйнага праекта абнаўлення горнай тэхнікі, Каўдорскі ГАК ужо запусціў дзесяць 136-тонных самазвалаў. Усяго трэба будзе запусціць у работу дваццаць адзінак новай тэхнікі.

ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы буйны ў свеце кар'ерны самазвал грузападымальнасцю 450 т.

версія для друку

зрабіць стартавай

дабавіць у выбранае