Бізнес-навіны

Беларускія консулы абмеркавалі ў Цзінцзяне супрацоўніцтва ў сферы кітайскай медыцыны

Фота з архiва

9 сакавіка, Мінск /Кар. БЕЛТА/. Генеральны консул Беларусі ў Шанхаі Андрэй Андрэеў і консул Канстанцін Галаўко наведалі горад Цзінцзян правінцыі Цзянсу. Аб гэтым карэспандэнту БЕЛТА расказалі ў беларускай загранустанове ў Шанхаі.

Беларускія дыпламаты сустрэліся з сакратаром гарадскога камітэта КПК Цзінцзяна Чжан Чанпінам, мэрам горада Шэнь Цянам, намеснікам мэра Ван Цзінем, намеснікам сакратара парткама Цзінцзянскай зоны эканамічнага і тэхналагічнага развіцця Чжан Цзіньсунам, намеснікам дырэктара эканамічнага камітэта зоны Чэнь Вэем, кіраўнікамі муніцыпальнага бюро гандлю Лю Цзі, дырэктарам муніцыпальнага бюро садзейнічання інвестыцыям Сунь Хаа і іншымі кіраўнікамі горада.

Бакі абмеркавалі перспектыўныя напрамкі гандлёва-эканамічнага і інвестыцыйнага супрацоўніцтва, у тым ліку з задзейнічаннем патэнцыялу Кітайска-беларускага парка "Вялікі камень".

Андрэй Андрэеў і Канстанцін Галаўко таксама наведалі Цзінцзянскую зону эканамічнага і тэхналагічнага развіцця і "Медыцынскі горад Кітая".

У ходзе наведвання вытворчасцей з кіраўніцтвам буйных мясцовых прадпрыемстваў прамысловага, харчовага і медыцынскага профілю абмеркаваны магчымыя напрамкі супрацоўніцтва, у тым ліку ў галіне інавацыйнай і традыцыйнай кітайскай медыцыны.

версія для друку

зрабіць стартавай

дабавіць у выбранае