Бізнес-навіны

Беларуская цэментная кампанія ўмацоўвае пазіцыі на рынку Польшчы

Фота БЦК

14 лютага, Мінск /Кар. БЕЛТА/. Холдынг "Беларуская цэментная кампанія" прыняў удзел у буйнейшай у Цэнтральнай і Усходняй Еўропе выстаўцы сучасных будаўнічых тэхналогій і дасягненняў будіндустрыі BUDMA, якая праходзіла ў польскім горадзе Познань. Аб гэтым паведамляе БЕЛТА са спасылкай на сайт БЦК.

Як адзначылі на прадпрыемстве, холдынг стаў адной з нямногіх беларускіх кампаній, якія былі шырока прадстаўлены на гэтай выстаўцы.

Начальнік упраўлення па знешнеэканамічнай дзейнасці кіруючай кампаніі холдынга "БЦК" Вольга Урублеўская, якая прадстаўляла ў Познані Беларускую цэментную кампанію разам з кіраўніцтвам Гандлёвага дома БЦК у Польшчы, ацэньвае вынікі выстаўкі як вельмі плённыя. "Холдынг пачаў удзельнічаць у BUDMА з 2020 года. На гэты раз прадстаўлены быў увесь асартымент прадукцыі нашых прадпрыемстваў, і інтарэс да яе з боку наведвальнікаў быў высокі. Асабліва да паставак цэменту, вапны, газасілікатных блокаў, жалезабетонных вырабаў, пенаполістырольных пліт. Прадукцыяй холдынга цікавіліся патэнцыяльныя кліенты не толькі з Польшчы, але і з Румыніі, Украіны, Расіі, Германіі. І цяпер мы знаходзімся ў стадыі падпісання новых кантрактаў. Трэба сказаць, у Польшчы холдынг даўно і паспяхова працуе, гэты рынак - вельмі перспектыўны, пазіцыі Беларускай цэментнай кампаніі на ім умацоўваюцца. Пляцоўку BUDMA мы выкарыстоўвалі ў тым ліку для дадатковага развіцця свайго Гандлёвага дома ў Варшаве, які ў гэтым годзе яшчэ больш актывізуе сваю работу. Удзел у такіх буйных аўтарытэтных выстаўках - вялікі плюс для паспяховага пазіцыянавання БЦК на міжнародным рынку і для наладжвання дзелавых сувязей", - адзначыла яна.

Юбілейная BUDMА праводзілася ў гэтым годзе 30-ы раз, пасля двухгадовага перапынку, выкліканага пандэміяй COVID-19. Лозунгам маштабнага мерапрыемства стаў слоган "Натхненне. Веды. Бізнес". Выстаўка сабрала амаль 1 тыс. экспанентаў - вытворцаў і дыстрыб'ютараў, якія прэзентавалі будаўнічыя навінкі, інавацыі і тавары, якія будуць задаваць трэнды ў 2022 годзе.

версія для друку

зрабіць стартавай

дабавіць у выбранае