Бізнес-навіны

Беларуская дэлегацыя дзелавых колаў удзельнічае ў стамбульскім форуме MUSIAD Expo

20 лістапада, Мінск /Кар. БЕЛТА/. Беларуская дэлегацыя дзелавых колаў удзельнічае ў стамбульскім форуме MUSIAD Expo, паведамілі карэспандэнту БЕЛТА ў генеральным консульстве Беларусі ў Стамбуле.

У складзе дэлегацыі кіраўніцтва пяці беларускіх прадпрыемстваў рознага профілю - "Лідсельмаша", Дзяржынскага эксперыментальна-механічнага завода, ААТ "СтанкаГомель", ЗАТ "Дар-МПЗ", ТАА "ЭкаУтылізацыяСэрвіс". Удзел беларускіх прадстаўнікоў арганізаваны пры падтрымцы Мінскага аддзялення Беларускай гандлёва-прамысловай палаты і генконсульства.

Беларуская дэлегацыя правяла перагаворы з экспанентамі выстаўкі, ключавымі прадпрыемствамі Турцыі, занятымі ў галіне будаўніцтва, машына- і станкабудавання, экалагічных тэхналогій з мэтай наладжвання ўзаемавыгаднага супрацоўніцтва. Прадстаўнікі беларускіх прадпрыемстваў азнаёміліся з сусветнымі тэндэнцыямі ў вытворчасці тавараў, паслуг і развіцці тэхналогій.

18-ы па ліку форум MUSIAD Expo 2020 з'яўляецца міжнароднай выстаўкай і бізнес-форумам турэцкай Асацыяцыі незалежных прамыслоўцаў і прадпрымальнікаў MUSIAD. Ён праводзіцца пры падтрымцы турэцкага ўрада раз у два гады. У гэтым годзе выстаўка разгарнулася ў 10 тэматычных павільёнах агульнай плошчай 100 тыс. кв.м. Прадстаўлены такія напрамкі, як будаўніцтва, экалагічныя тэхналогіі, аўтамабільная і металургічная прамысловасць, энергетыка, лагістыка, інфармацыйныя тэхналогіі, тэкстыль, кандытарскія вырабы, абутковай сектар, хімічная галіна, прадукты харчавання і сельская гаспадарка, нерухомая маёмасць, спажывецкія тавары, мэбля, турызм, здароўе.

версія для друку

зрабіць стартавай

дабавіць у выбранае